VII დღის რეფლექსია

 საკმაოდ საინტერესო ნამუშევრებს გავეცანით.პრეზენტაციების შემდეგ ვისწავლეთ ჩვენი საქაღალდის  დრაივზე ატვირთვა.
წარმატებებს ვუსურვებ ყველას პროფესიულ საქმიანობაში!

VI დღის რეფლექსია

ეს სესია დამეხმარა ,როგორ შევუწყო ხელი ჩემს მოსწავლეებს, რომ ისინი თვითრეგულირებად მსწავლელებად იქცნენ, როგორ დავაკმაყოფილო მოსწავლეების განსხვავებული საჭიროებანი, როგორ შევქმნათ სასწავლო გარემო პროექტებზე დაფუძნებული სწავლების წარმართვისას, კიდევ ერთხელ გადავხედეთ სასწავლო პროექტის პორტფოლიოს, სასწავლო გეგმას და შევიტანეთ ცვლილებები.

V დღის რეფლექსია

 მოსწავლეზე ორიენტირებულ გაკვეთილზე მოსწავლეები აქტიურ მონაწილეობას იღებენ შეფასებაში.ზოგიერთი მოსწავლითვის ეს შეიძლება რთული აღმოჩნდეს.  მოსწავლეს სჭირდება ბევრი ახალი უნარის გამოყენების შესაძლებლობა, განსაკუთრებით : სწავლის პროცესში სირთულეების გამოვლენა და მათი დაძლევის სტრატეგიის შერჩევა, თანატოლებისთვის უკუკავშირის გაზიარება და მათგან მიღება.
მიმდინარე დღის სესია დამეხმარა გამეანალიზებინა მოსწავლეზე ორიენტირებული შეფასების ფორმები, თუ როგორ უნდა გამოვიყენო რუბრიკები, ქულების მინიჭების სქემები.

IV დღის რეფლექსია

ამ დღის თემატიკა ძალიან საინტერესო და მნიშვნელოვანი იყო. დაწვრილებით განვიხილეთ, თუ როგორ მოვახერხებთ ჩვენს სასწავლო პროექტში 21-ე საუკუნის უნარების ინტეგრირებას, განვიხილეთ სასარგებლო ვებსაიტების ეფექტურად მოძიებისა და მათი შეფასების მეთოდები, როგორ უნდა ვასწავლოთ მოსწავლეებს ინტერნეტის უსაფრთხოდ და პასუხისმგებლობით გამოყენება,შევქმენით მოსწავლის პრეზენტაციის ნიმუშები.

ჩამოვაყალიბე  პროექტის მიზანი, აქედან  გამომდინარე  განვსაზღვრე  პროექტის  ამოცანები.  პროექტის  კონფერენციის  კითხვები  შევუსაბამე ჩემს  მიერ არჩეულ  თემას.
        ტრენინგ დღე  წარიმართა ნაყოფიერად!

III დღის რეფლექსია

საკმაოდ შრომატევადი აღმოჩნდა დღევანდელი მოდული. შევიმუშავეთ ჩვენი პროექტის მიზნები და ამოცანები. ჩამოვაყალიბეთ მიმართულების მიმცემი საკვანძო კითხვები,21–ე საუკუნის უნარ–ჩვევები. გავეცანით სასწავლო პროექტების ნიმუშებს, რომლებიც იმედია დაგვეხმარება უფრო წარმატებით განვახორციელოთ ჩვენი პროექტები.

პირველი მოდულის რეფლექსია

ჩვენი სკოლის მასწავლებლებისთვის საინტერესო ეტაპი დაიწყო. ტექნოლოგიების გამოყენებით ვიწყებთ სასწავლო პროექტების დეტალურად განხილვას. ძალიან საინტერესო იყო პირველი მოდული. ინტელის საგანმანათლებლო გზამკვლევის დახმარებით დეტალურად განვიხილეთ პროექტების დაგეგმვა, მეთოდურად განვიხილეთ პუბლიკაციები, იდეურად დავამუშავეთ, გავეცანით ნიმუშებს. მოუთმენლად ველი შემდეგ მოდულს. მინდა ჩვენს მოსწავლეებს,რომლებსაც ძალიან მოსწონთ პროექტებზე მუშაობა, გავუზიარო ჩემი გამოცდილება.